Visita guiada á exposición temporal Limiares Acuosos de Carlos Fer.
Esta actividade do Programa Museos Educa da Rede de Museos do Concello de Vigo está dedicada á interesante obra de Carlos Fer que se pode ver na mostra Limiares acuosos. A exposición reúne nove deseños inspirados no mar, como homenaxe aos concellos de Baiona, Nigrán, Redondela, Soutomaior, Vilaboa, Moaña, Cangas e Vigo, este último representado a través do perfil da súa ría. As pezas inclúen azulexos translúcidos impresos en 3D, reinterpretando as fachadas de edificios vigueses, combinados con proxeccións da ría e pinturas que buscan saír do seu propio marco.
