A través dun xogo de pistas, pequenos e maiores irán descubrindo os segredos do Pazo “Quiñones de León”. “Enredos no museo” é unha proposta divertida e participativa que convida a coñecer o museo e os seus xardíns dun xeito diferente: seguindo rastros, resolvendo enigmas e compartindo risas mentres se aprende. Unha actividade pensada para familias con nenos e nenas, onde a aventura e a cultura van da man. Quen se atreve a desfacer o enredo?
