Nadal no Pazo de Castrelos
“Museos en Branco”, é unha actividade especial de Nadal pensada para que os nenos e nenas vivan estas datas nos Museos da cidade, aprendendo con creatividade e diversión. Ao longo das vacacións, os máis pequenos poderán gozar de actividades lúdicas e artísticas arredor do noso patrimonio, descubrindo historias, xogos e propostas diferentes en cada museo. “Museos en Branco” convértese así nun espazo para explorar, imaxinar e aprender durante a época máis máxica do ano.
